ಕಾಲನ ಕರೆ ಘಂಟೆ - Tornado's

ಪ್ರಪಂಚ ಮುಂದುವರೆದಂತೆ ದಿನದಿಂದ ದಿನಕ್ಕೆ ಹೊಸ ಹೊಸ ಆವಿಷ್ಕಾರಗಳು ಹೆಚ್ಚುತ್ತಿವೆ. ವಿಜ್ಞಾನ ಮುಂದುವರೆದಂತೆ ಮಾನವ ಪ್ರಕೃತಿಗೆ ಸವಾಲೊಡ್ಡುವ ಭರಾಟೆಯಲ್ಲಿದ್ದಾನೆ. ಅಂತೆಯೇ ಪ್ರಕೃತಿ ವಿಕೋಪಗಳೇನು ಕಡಿಮೆಯಾಗಿಲ್ಲ. ದಿನ ಕಳೆದಂತೆ 'ಸೃಷ್ಟಿ' ಆಕೆಯಲ್ಲಾಗುತ್ತಿರುವ ಕೃತಕ ಬದಲಾವಣೆಗನುಗುಣವಾಗಿ ಪ್ರತಿಕ್ರಯಿಸುತ್ತಿದ್ದಾಳೆ. ಆ ಪ್ರತಿಕ್ರಿಯಗಳಲ್ಲಿ ಮಾನವ ಕಂಡರಿಯದ ಕೆಲ ವಿಕೋಪಗಳು ನಾವು, ನೀವು ಮರೆಯುವಂತಿಲ್ಲ. ಮರೆತರೂ, ಮನಸ್ಸು ದುಃಖಪಡುವ ಘಟನೆಗಳಲ್ಲಿ ಸುನಾಮಿ, ತೊಹೊಕು ಭೂಕಂಪ, ಟೊರ್ನೊಡೊಗಳು, ಹರ್ರಿಕೇನ್ಗಳು ಹೀಗೇ ಹತ್ತು ಹಲವು. 

 Tornodoಗಳ ಬಗ್ಗೆ ದಿನನಿತ್ಯ ಪತ್ರಿಕೆಗಳಲ್ಲಿ, ಮಾಧ್ಯಮಗಳಲ್ಲಿ ಓದಿರುತ್ತೇವೆ, ಕೇಳಿರುತ್ತೇವೆ. ಹಾಗಾದರೆ ಏನಿದು Tornodo's? ಇವು ಹೇಗೆ ಹುಟ್ಟುತ್ತವೆ?

Tornado

ಟೊರ್ನೊಡೊ ಒಂದು ತಿರುಗುತ್ತಿರುವ, ಗಾಳಿಯಿಂದ ಮೂಡುವ ಆಕೃತಿ. ಇದೊಂದು ಭೂಮಿಯಿಂದ ಆಗಸದಲ್ಲಿರುವ ಕಾರ್ಮೋಡದ ಮಧ್ಯ ರೌದ್ರವಾಗಿ ಸುತ್ತುವ ಗಾಳಿಯ ಆಕೃತಿ. ಇದು ಭೂಮಿಯ ಕಡಿಮೆ ಒತ್ತಡ ಇರುವಂತಹ ಭಾಗಗಳಲ್ಲಿ ಕಾಣಸಿಗುತ್ತವೆ. ಇದನ್ನು twisters ಅಥವಾ cyclones ಎಂದೂ ಕರೆಯುತ್ತಾರೆ. ಟೊರ್ನೊಡೊಗಳು ಹಲವಾರು ಘಾತ್ರ, ಆಕೃತಿಯಲ್ಲಿರುತ್ತವೆ. ಸಾಮಾನ್ಯವಾಗಿ ಇವು ಬೃಹದಾಕಾರದ ನಳಿಕೆಯ ಆಕೃತಿಯಲ್ಲಿರುತ್ತವೆ. ಇವುಗಳ ಒಂದು ಅಂತ್ಯ ಭೂಮಿಗೂ ಮತ್ತೊಂದು ಕೊನೆ ಕಾರ್ಮೊಡಗಳಿಗೂ ಅಥವಾ ಕಾರ್ಮೋಡಗಳ ಅಡಿಗೂ ಹೊಂದಿಕೊಂಡಿರುತ್ತವೆ. ಸಾಮಾನ್ಯವಾಗಿ ಟೊರ್ನೊಡೊಗಳ ಗಾಳಿಯ ವೇಗ ಘಂಟೆಗೆ ೧೧೦ ಮೈಲಿಗಿಂತ ಕಡಿಮೆ ಇರುತ್ತದೆ. ಸುಮಾರು ೨೫೦ ಅಡಿಯಷ್ಟು ಎತ್ತರವಿರುವ ಟೊರ್ನೊಡೊಗಳು ಕೊನೆಗೊಳ್ಳುವ ಮುನ್ನ ಕೆಲವಾರು ಮೈಲಿಗಳಷ್ಟು ಅಗಲವಿರುತ್ತವೆ. ಅತೀ ಭಯಾನಕ ಟೊರ್ನೊಡೊಗಳು ಸುಮಾರು ಘಂಟೆಗೆ ೩೦೦ ಮೈಲಿಗಳಷ್ಟು ಚಲಿಸುತ್ತವೆ ಮತ್ತು ಎರಡಕ್ಕಿಂತ ಹೆಚ್ಚು ಮೈಲಿ ಅಗಲವಿರುತ್ತವೆ. 

ಸಾಮಾನ್ಯವಾಗಿ ನಾವು ಟೊರ್ನೊಡೊಗಳನ್ನು Antartica ಮತ್ತು North Americaಗಳಲ್ಲಿ ಹೆಚ್ಚಾಗಿ ಕಾಣಬಹುದು. ಪ್ರತಿ ವರ್ಷ ಅತೀ ಹೆಚ್ಚು ಟೊರ್ನೊಡೊಗಳು ಅಮೇರಿಕಾದ "Tornado Alley"ಯಲ್ಲಿ ಕಾಣುತ್ತೇವೆ. ಅಪರೂಪಕ್ಕೊಮ್ಮೆ South ಅಮೇರಿಕಾ, South  Africa, Australia, New Zealand ಮತ್ತು ಏಷ್ಯಾದ ದಕ್ಷಿಣ, ಮಧ್ಯ ಹಾಗು ಪೂರ್ವ ಭಾಗಗಳಲ್ಲಿ ಕಾಣಬಹುದು. ಟೊರ್ನೊಡೊಗಳನ್ನು ಅವು ಮೂಡುವ ಮುನ್ನವೇ "Pulse-Doppler radar "ನ ಸಹಾಯದೊಂದಿಗೆ ಕಂಡುಹಿಡಿಯಬಹುದು. ಟೊರ್ನೊಡೊಗಳನ್ನು ಅಳೆಯಲು ಕೆಲವೊಂದು ಮಾಪನಗಳನ್ನು ಉಪಯೋಗಿಸುತ್ತಾರೆ. ಅವೆಂದರೆ "Fuji scale"(F0 to F5) ಅಥವಾ "Enhanced Fuji  Scale"(EF0 to EF5), "TORRO Scale" (T0 to T11).

Tornado Alley

ಭಯಾನಕ ಟೊರ್ನೊಡೊಗಳು ಹಲವಾರು ಸಾವಿನ ಮನೆ ಸೃಷ್ಟಿಸಿವೆ. ಹಲವಾರು ಕುಟುಂಬಗಳನ್ನು ದುಃಖದ ಮಡುವಿನಲ್ಲಿ ತೇಲಿಬಿಟ್ಟಿವೆ. ನೂರಾರು ಹೃದಯ ವಿದ್ರಾವಕ ದೃಶ್ಯಗಳನ್ನು ಸೃಷ್ಟಿಸಿ ಹೋಗಿವೆ. ಅದಕ್ಕೆ ಉದಾಹರಣೆ ೨೦೧೧ರ ಅಮೇರಿಕಾದ Missouri ರಾಜ್ಯದ "Joplin" ಮತ್ತು ೨೦೧೩ರ ಅಮೇರಿಕಾದ Oklahama ರಾಜ್ಯದ "Oklahama City". ಟೊರ್ನೊಡೊಗಳಿಂದ ಕುಟುಂಬ ಕಳೆದುಕೊಂಡವರು ಮತ್ತೆ ತಮ್ಮವರನ್ನು ಭೇಟಿಯಂತಾಗುವಂತಾಗಲಿ.

This Article was published in Timeskannada http://timeskannada.com/?p=2576

Canvas Painting - Vaasthu Raksha

ನೀ ಮಿಡಿಯೆ... ನಾ ನುಡಿಯೇ... ಅದುವೇ ಜೀವನ ...

Some feelings on this earth cannot be expressed, can only be experienced..

ನಯನ ಮನೋಹರ... ನಯಾಗರ - NIAGARA FALLS

Niagara Falls - American view

ಅಮೇರಿಕಾ ದೇಶದ ಶೇಕಡಾ ೮೦ ರಷ್ಟು ಪ್ರವಾಸಿ ತಾಣಗಳು ಮಾನವ ನಿರ್ಮಿತ. ಇದರಲ್ಲಿ ಗುಡ್ಡ ಬೆಟ್ಟ ಜಲಪಾತಗಳೇನು ಹೊರತಲ್ಲ. ಯಾವುದೇ ನಿರ್ಮಾಣವನ್ನಾದರೂ ಅಚ್ಚುಕಟ್ಟಾಗಿ ಮಾಡಿ, ಪ್ರಕೃತಿಗೆ ಸವಾಲೊಡ್ಡುವುದರಲ್ಲಿ ಎತ್ತಿದ ಕೈ ಈ ದೇಶ. ಇಂಥಹ ದೇಶದಲ್ಲೊಂದು ಅಪರೂಪದ ಮನಮೋಹಕ ತಾಣ. ಅದುವೇ ನಿಸರ್ಗೆಯ ನಾಜೂಕು ನಾರಿಮಣಿ ನಯಾಗರ ...

ಅದು ೯೦ರ ದಶಕ. ನಾಗತೀಹಳ್ಳಿಯವರ "ಅಮೇರಿಕಾ ಅಮೇರಿಕಾ"ದ ಕಾಲವದು. ಚಲನಚಿತ್ರದ ಹಾಡಿನಲ್ಲೊಂದು ಸಾಲು, "ಜಳ ಜಳ ಜಿಗೀಯುತ ಜಾರೀ .. ಬಿಳೀದಳು ಬಳುಕುತಾ ಬಾಗಿ ... ಲೋಕಮಾನ್ಯ, ನಯಾಗರ" ಜೊತೆಗೆ ನಯಾಗರಾದ ಸಣ್ಣ ಜಲಕ್. ನಮ್ಮ ಚಿಕ್ಕಂದಿನ ನಯಾಗರ ಕಲ್ಪನೆ ಇದಿಷ್ಟೇ. ಬೆಳೆಯುತ್ತಾ ನಾವು ಎಷ್ಟೇ ನಯಾಗರಾದ ಬಗ್ಗೆ ತಿಳಿದುಕೊಂಡರೂ ಆ ಕಾಲ್ಪನಿಕ ಚಿತ್ರ ಬದಲಾಗಲಿಲ್ಲ. ಮುಂದೊಂದು ದಿನ ನೈಜವಾಗಿ ಇದನ್ನು ನೋಡುತ್ತೇನೆಂದು ಕನಸಿನಲ್ಲಿಯೂ ಯೋಚಿಸಿರಲಿಲ್ಲ.  

ನಯಾಗರಕ್ಕೆ ಒಮ್ಮೆ ಭೇಟಿ ಕೊಟ್ಟರೆ, ಮನಸ್ಸಿನಲ್ಲಿ ಮಾಸದ ಅದ್ಬುತ ನೆನಪಿನ ಪುಟಗಳು ಸೃಷ್ಟಿಯಾಗಿರುತ್ತವೆ. ನಯಾಗರವಿರುವುದು, ಅಮೆರಿಕಾದ ನ್ಯೂಯಾರ್ಕ್ ರಾಜ್ಯದಲ್ಲಿ. ನಯಾಗರ ಫಾಲ್ಸ್ ಅಮೇರಿಕಾ ದೇಶದ ನ್ಯೂಯಾರ್ಕ್ ರಾಜ್ಯ ಮತ್ತು ಕೆನಡಾ ದೇಶದ ಒಂಟಾರಿಯೊ ರಾಜ್ಯವನ್ನು ವಿಭಜಿಸುತ್ತದೆ. ನಯಾಗರ ಫಾಲ್ಸ್ ಒಟ್ಟು ಮೂರು ಜಲಪಾತಗಳನ್ನು ಹೊಂದಿದೆ. ಅವೆಂದರೆ ಬ್ರೈಡಲ್ ವೆಇಲ್ ಫಾಲ್ಸ್, Horseshoe ಫಾಲ್ಸ್ ಮತ್ತು American ಫಾಲ್ಸ್. Horseshoe ಫಾಲ್ಸ್ ಕೆನಡಾದಲ್ಲಿದ್ದರೆ, ಅಮೆರಿಕನ್ ಮತ್ತು ಬ್ರೈಡಲ್ ವೆಇಲ್ ಫಾಲ್ಸ್ ಗಳು ಅಮೆರಿಕಾದಲ್ಲಿವೆ. ೧೬೭ ಅಡಿ ಎತ್ತರವಿರುವ ನಯಾಗರ, ಚಳಿಗಾಲದಲ್ಲಿ ಮಂಜಿನ ಗಡ್ದೆಯಾಗಿ ಬೇಸಿಗೆಯಲ್ಲಿ ಧುಮ್ಮಿಕ್ಕಿ ಹರಿಯುವ ಸುರಲೋಕ ಸುಂದರಿ.

Niagara Falls - Night view

ಅಮೆರಿಕಾದ ಪ್ರವಾಸೋದ್ಯಮ ಇಲಾಕೆ ಪ್ರವಾಸಿಗರಿಗೆ ಅತೀ ಹತ್ತಿರದಿಂದ ಜಲಪಾತವನ್ನು ನೋಡವ ವ್ಯವಸ್ಥೆ ಒದಗಿಸಿಕೊಟ್ಟಿದೆ. ಇದರಲ್ಲಿ Maid of mist ಮತ್ತು Cave of winds ಪ್ರಮುಖವಾದವು. ಈ ಎರಡೂ ಸವಾರಿಗಳು ನಿಮ್ಮನ್ನು ಅದ್ಬುತ ಲೋಕಕ್ಕೆ ಕದ್ದೊಯ್ಯುತ್ತವೆ. ಒಟ್ಟಿನಲ್ಲಿ ನಯಾಗರ ಒಂದು ಸುಂದರ ಪ್ರಕೃತಿ ತಾಣ. ಅಮೇರಿಕಾ ದೇಶಕ್ಕೆ ನೀವೊಮ್ಮೆ ಭೇಟಿ ಕೊಟ್ಟರೆ, ನಯಾಗರ ಮರೆಯದಿರಿ.

Canvas Painting: Free hand

ನಿಸರ್ಗೆಯ ಮಡಿಲಲ್ಲಿ ... ನಿನಗೆ ಮನಸೋತೆ ನಾನಿಲ್ಲಿ..

ರೆಕ್ಕೆ ಇದ್ದರೆ ಸಾಕೇ?...

ಮಾತೆಯ ಮಮಕಾರಕ್ಕೊಂದು ಸಲಾಮು ...

Happy Mothers day to my darling dearest mom, Sujatha..

ನಾ ಕಂಡ NASA.

NASA Entrance

ಅದೊಂದು ನನ್ನ ಜೀವನದ ಮರೆಯಾಲಾಗದ ದಿನ. ಜೀವನದ ಅತೀ ದೊಡ್ಡ ಆಸೆ ಎಂದೇ ಹೇಳಬಹುದು.

ಪ್ರಪಂಚದ ಅತ್ಯುನ್ನತ ಸಂಶೋಧನೆಗಳೆಲ್ಲ ನಡೆಯುವುದೇ ಇಲ್ಲ್ಲಿ. ನೂರಾರು ಮಕ್ಕಳ ಕನಸು. ನೂರಾರು ವಿಜ್ಞಾನಿಗಳ ಪ್ರಯೋಗಾಲಯ. ಕೆಲವರಿಗೆ ಪ್ರವಾಸಿತಾಣವಾದರೆ, ಇನ್ನು ಕೆಲವರಿಗೆ ಪವಾಡ ನಡೆಯುವ ಕುತೂಹಲಕಾರಿ ಸ್ಥಳ. ಹೌದು, ಅದುವೇ NASA.

ನಾಸಾ National Aeronautics and Space Administration, ಇದೊಂದು ಅಮೆರಿಕಾದ ಏರೋಸ್ಪೇಸ್ agency. ೧೯೫೮ರಲ್ಲಿ ಅಮೆರಿಕಾದ ಅಧ್ಯಕ್ಷರಾದ ಶ್ರೀ  Dwight D. Eisenhowerರವರು  ಇದನ್ನು ಸ್ಥಾಪಿಸಿದರು. ಅಲ್ಲಿಂದ ಇಲ್ಲಿಯ ತನಕ NASA ನೂರಾರು ಆಕಾಶದಂಗಳದ ಪ್ರಯೋಗಗಳಿಗೆ ಕಾರಣವಾಗಿದೆ. ಆಗಸದಂಚಿನ ಹಲವಾರು ವಿಸ್ಮಯಗಳನ್ನು ಪ್ರಪಂಚಕ್ಕೆ ತೋರಿಸಿಕೊಟ್ಟಿದೆ. NASAದ ಮುಖ್ಯ ಉದ್ದೇಶ ಭೂಮಿ ಹಾಗೂ ಭೂಮಿಯ ಸುತ್ತಲಿನ ಆಕಾಶಕಾಯಗಳ ಚಲನ ವಲನ, ಕುತೂಹಲಕಾರಿ ವಿಷಯಗಳ ಅನ್ವೇಷಣೆ ಮಾಡುವದಾಗಿದೆ. ಈ ನಿಟ್ಟಿನಲ್ಲಿ ಅಲ್ಲಿ ಹಲವಾರು ವಿಜ್ಞಾನಿಗಳು ಕೆಲಸ ಮಾಡುತ್ತಿದ್ದಾರೆ. ನಾಸಾ ಒಂದು ವಿಸ್ಮಯಗಳ ಆಗರವಲ್ಲದೆ ಇದೊಂದು ಹಲವಾರು ಪ್ರತಿಭಾವಂತ ವಿಜ್ಞಾನಿಗಳನ್ನು ಪ್ರಪಂಚಕ್ಕೆ ತೋರಿಸಿಕೊಟ್ಟ ಸಂಸ್ಥೆಯಾಗಿ ಕಾರ್ಯ ನಿರ್ವಹಿಸುತ್ತಿದೆ.

NASAದ ಕೆಲವು ಮಾನವ ಸಹಿತ ಮಹತ್ತರ ಸಾಧನೆಗಳು ಕೆಳಕಂಡಂತಿವೆ:

1.    X-15 rocket plane (1959–68)

2.    Project Mercury (1959–63)

3.    Project Apollo (1961–72)

4.    Skylab (1965–79)

5.    Apollo-Soyuz Test Project (1972-75)

6.    Space Shuttle program (1972–2011)

7.    International Space Station (1993–present)

8.    Commercial Resupply Services (2006-present)

9.    Commercial Crew Program (2010–present)

10.  Beyond Low Earth Orbit program (2010–present)

ನಾಸಾದ ಒಬ್ಬ ಪ್ರವಾಸಿಯಾಗಿ ನೀವು ಕೆಲವೊಂದು ಕುತೂಹಲಕರಿ ವಿಷಯಗಳನ್ನು ನೋಡಿ ತಿಳಿದುಕೊಳ್ಳಬಹುದು. ಇದಕ್ಕೆಂದೇ ನೀವು John F Kennedy Visitor Centerಗೆ  ಭೇಟಿ ನೀಡಬೇಕು. ಇಲ್ಲಿ  ಭೇಟಿ ನೀಡುವ ಪ್ರತಿಯೊಬ್ಬರಿಗೂ (ಮಕ್ಕಳಿಂದ ದೊಡ್ಡವರ ತನಕ) ಹಲವಾರು ಆಕಶದಂಗಳದ ವಿಸ್ಮಯಗಳು ಕಾದಿವೆ. 

ನಾಸಾದ ಒಂದು ದಿನದ ಪಾಸ್ ಪರಿಚಯಿಸಿದರೆ ಅದರಲ್ಲಿ Hubble 3D, Apollo/Saturn V Center, NASAದ  Launch Headquarters, ಎರಡು IMAX ಚಲನಚಿತ್ರದ ಟಿಕೆಟ್, Space Shuttle Atlantisನ್ನು ಒಳಗೊಂಡ ಎಲ್ಲ ತರಹದ ಪ್ರದರ್ಶನಗಳು ಮತ್ತು Astronaut Hall of Fameಗೆ ಭೇಟಿಯನ್ನೊಳಗೊಂಡಿರುತ್ತದೆ. ಮತ್ತೊಂದು ನನ್ನ ಅವಿಸ್ಮರಣೀಯ ಕ್ಷಣವೆಂದರೆ "Lunch with Astronaut", ಇದರಲ್ಲಿ ನೀವೊಬ್ಬ ಅಂತರಿಕ್ಷಯಾನಿಯೊಂದಿಗೆ ನಿಮ್ಮ ಮಧ್ಯಾಹ್ನದ ಊಟವನ್ನು ಮಾಡಬಹುದು.  ನಾನು ಶ್ರೀಯುತ Jon A. McBrideರವರನ್ನು ಭೇಟಿ ಮಾಡಿದ ಕ್ಷಣ ಅವಿಸ್ಮರಣೀಯ. ಅದೊಂದು ಮರೆಯಲಾಗದ ಅನುಭವ. 

Kennedy Space Center

Jon A. McBrideರವರೊಬ್ಬ  ಅಮೇರಿಕಾದ ಮಾಜಿ naval officer ಮತ್ತು ಮಾಜಿ ಅಂತರಿಕ್ಷಯಾನಿ. ಕೆಳಗಂಡ NASAದ ಕಾರ್ಯಗಳಲ್ಲಿ Jonರವರ ಕೆಲಸ ಶ್ಲಾಘನೀಯ:

1.    Space Shuttle Columbia, 

2.    Software verification in the Shuttle Avionics Integration Laboratory (SAIL), 

3.    capsule communicator (CAPCOM) for STS-5, STS-6 and STS-7, 

4.    Flight Data File (FDF) Manager, 

5.    Orbital rendezvous procedures development.

ಒಟ್ಟಾರೆ ನನ್ನ ನಾಸಾ ಪ್ರವಾಸ ಒಂದು ಸುಂದರ ನೆನಪು. ಮರೆಯಲಾಗದ ಅನುಭವ. ನೆನಪುಗಳ ಅಲೆ ಆಕಾಶದಂಗಳದಲ್ಲಿ........ 

ಮಲೆನಾಡಿನ ಮಳೆ....

ಬಹುಷಃ ಪ್ರತಿಯಾಬ್ಬ ಮನುಷ್ಯನಿಗೂ "ಮಲೆನಾಡು" ಎಂದರೆ ಮಳೆಯನ್ನು ಹೊರತು ಬೇರಾವ ನೆನಪು ಬರಲು ಸಾದ್ಯವಿಲ್ಲ.

ಹೌದು, ನನ್ನ ಇಂದಿನ ವಿಷಯ "ಮಲೆನಾಡ ಮಳೆ".

ಚಿಟ-ಪಟ ಸದ್ದಿನಿಂದ ಆರಂಭವಾಗಿ ಧೋ ಎಂಬ ತಾರಕಕ್ಕೇರಿ ಮತ್ತೆ ಚಿಟ-ಪಟದೊಂದಿಗೆ ಮುಕ್ತಾಯ. ಅದೊಂದು ಹೇಳಲಾರದ, ಮನಸ್ಸಿಗೆ ಮುದ ಕೊಡುವ ಪ್ರಕೃತಿಯ ಸುಂದರ ಪ್ರತಿಕ್ರಿಯೆ. ಮಳೆಯೇ ಹಾಗೆ ಎಂಥಹ ಕಲ್ಲು ಮನಸ್ಸಿನವರನ್ನು ಮೃದುವಾಗಿಸಿ ಬಿಡುತ್ತದೆ, ತನ್ನೊಳಗೆ ಅವರೂ ಹರ್ಷ ಪಡುವಂತೆ ಮಾಡುತ್ತದೆ. ಮನಸ್ಸು ಸೃಷ್ಟಿಯೋಡಲಲ್ಲಿ ಕುಣಿದು ಕುಪ್ಪಳಿಸುವಂತೆ ಮಾಡುತ್ತದೆ. ಮೊದ-ಮೊದಲ ತುಂತುರು ಮಳೆಯೊಂದಿಗೆ ಬರುವ ಆ ಮಣ್ಣಿನ ಪರಿಮಳಕ್ಕೆ ಆಧುನಿಕ ಜಗತ್ತಿನ ಯಾವೊಂದು ಪರಿಮಳ ದ್ರವ್ಯವು ಪೈಪೋಟಿ ನೀಡಲಾಗದು.

ಮಳೆ ಸುಂದರ ಪ್ರಕೃತಿಯ ವಿಶೇಷ ಪ್ರತಿಕ್ರಿಯೆಯಾದರೆ, ಮಳೆಗೆ ಮಲೆನಾಡಿನ ಜನರ ಪ್ರತಿಕ್ರಿಯೆಯೇ ಬೇರೆ. ಮಳೆಯಲ್ಲಿ ನೆನೆದು ಬಂದು ನಂತರ ಹಂಡೆಯಲ್ಲಿ ಬಿಸಿ ಬಿಸಿ ನೀರಿನ ಸ್ನಾನ ಮಾಡುವುದು. ಅದಾದ ಮೇಲೆ ಬೇಯಿಸಿದ ಹಲಸಿನ ಬೀಜ, ಹಲಸಿನ ಹಪ್ಪಳದೊಂದಿಗೆ ಕೈಗೂ ಬಾಯಿಗೂ ಕಚ್ಚಾಟ. ಹೊತ್ತಿಲ್ಲದ ಹೊತ್ತಿನಲ್ಲಿ ಬೆಚ್ಚಗೆ ಕಂಬಳಿ ಹೊದ್ದು ಮಲಗುವುದು. ಪ್ರಪಂಚದಲ್ಲಿ ಇದರಷ್ಟು ಸುಖ ಇನ್ನೊಂದಿಲ್ಲ.

ಇನ್ನು, ಮಳೆನಿಂತ ಮೇಲೆ ಹೇಳುವುದೇ ಬೇಡ, ಅದೊಂದು ವಿಭಿನ್ನ ಅನುಭವ. ಸುಂದರ ಹಸಿರು ಸೀರೆಯುಟ್ಟ ಯುವತಿಯಾಗಿರುತ್ತಾಳೆ "ನಿಸರ್ಗೆ". ಪ್ರತಿಯೊಂದು ಎಲೆಯ ಮೇಲೂ ಹನಿ ಹನಿಯಾಗಿ ಗುರುತು ಮೂಡಿಸಿಟ್ಟಿರುತ್ತಾಳೆ "ವರ್ಷಧಾರೆ".

ಆಧುನಿಕತೆ ಬೆಳೆದಂತೆ ಮನುಷ್ಯ ಮುಗ್ಧ ಪ್ರಪಂಚದಿಂದ ಪಟ್ಟಣದೆಡೆಗೆ ತನ್ನ ವಾಸ್ತವ್ಯ ಬದಲಿಸುತ್ತಿದ್ದಾನೆ. ದುರಾದೃಷ್ಟವಷತ್, ನಾವು-ನೀವು ಪ್ರತಿಯಾಬ್ಬರೂ ಆ ಮಲೆನಾಡ ವರ್ಷಧಾರೆಯ ಹರ್ಶೋದ್ಗಾರವನ್ನು ಕೇವಲ TVಯಲ್ಲಿ ವೀಕ್ಷಿಸುವಂತಾಗಿದೆ. 5 ನಿಮಿಷ ಸುರಿವ ತುಂತುರು ಮಳೆಯೊಂದಿಗೆ ನಮ್ಮ ಮನಸ್ಸು compromise ಆಗುವಂತಾಗಿದೆ. ಆದರೂ ಮಳೆ ಬರುವಾಗ ಮನಸ್ಸು ಮಲೆನಾಡ ಮಳೆಯನ್ನೇ ಯೋಚಿಸುತ್ತಿರುತ್ತದೆ,

"ಗಗನದಲಿ ಮಳೆಯದಿನ

ಗುಡುಗಿನ ತನನ

ಆ ತನನ ದಿನ ಧರಣಿಯಲಿ, ಹಸಿರಿನ ಜನನ...

ಮಲೆನಾಡಿನ ......

ಮಳೆ ಹಾಡಿನ .........

ಪಿಸುಮಾತಿನ..

ಹೊಸತನಾ... .

ಸವಿದೆನಾ ...... " ಎಂಬಂತೆ.